Dünyanın ən məşhur müğənnilərindən biri olan Şakira kürd dilində mahnı oxuyacaq. ANS PRESS-in CNN Türkə istinadla verdiyi məlumata görə, o, Hələb qətliamını qınamaq üçün albomunda kürd dilində iki mahnıya yer verəcək.

Mahnıları Şakira və kürd sənətçisi Hemin Xalid 3 dildə - kürd, ingilis və ispan dillərində ifa edəcəklər.

Qeyd edək ki, 16 mart 1988-ci ildə Səddam Hüseynin əmriylə törədilən “Hələb Qətliamı”nda 5 min kürd öldürülmüşdü. Əksəriyyətinin qadınlar və uşaqlar olduğu qurbanlar kimyəvi silahla qətlə yetirilmişdi, 15 min insan isə yaralanmışdı. Səddam Hüseyn qətliama səbəb kimi İraqın şimalındakı tayfaların İrana yardım etməsini göstərmişdi.