Kolumbiyalı müğənni Şakira nəhayət ki, ana oldu. ANS PRESS-in xarici KİV-lərə istinadən verdiyi məlumata görə, bir müddətdir "Barselona" klubunun ulduz oyunçusu Jerard Pike ilə bərabər olan müğənni dünən axşam saatlarında oğlan övladını dünyaya gətirdi.

Cütlük sevincli xəbəri "Twitter" səhifələrində paylaşıb. Körpə 22 yanvarda, saat 22:26-da Barselonada doğulub. Uşağa Milan adı verilib.

3 kq çəkisi olan körpənin və ananın vəziyyəti yaxşıdır. Dünən axşam saatlarında xəstəxanaya yerləşdirilən Şakira, "Twitter" səhifəsində həyatımın ən önəmli günündə mənim üçün dua edin" çağırışı edib.

Cütlük uşaq gözlədiklərini sentyabr ayında bəyan etmişdi. 35 yaşlı Şakira özündən 10 yaş kiçik sevgilisi Jerard Pike 2011-ci ilin mart ayından birlikdədirlər.