Böyük Britaniyanın Kral poçtu aprelin 29-da şahzadə Uilyam və onun nişanlısı Keyt Middltonun nigah mərasiminə həsr olunmuş xatirə markası buraxacaq. Məlumatı Birləşmiş Krallığın əsas poçt idarəsi yayıb.

Yeni markalarda Uilyam və Middltonun ötən il noyabrın 25-də keçirilmiş nişan mərasimində fotoqraf Mario Tetstinonun çəkdiyi rəsmi fotoşəkillər əks olunacaq.

Qeyd edək ki, Uilyamın şəkli poçt markalarında bundan əvvəl iki dəfə əks olunub. Birincisi böyük nənəsinin 100 illik yubileyi, digəri isə yetkinlik yaşına çatması ilə əlaqədar olub.