Montre Beynəlxalq caz festivalının laureatı, istedadlı cazmen Şahin Növrəsli avqustun 31-də Fransada 11-ci Beynəlxalq musiqi festivalı çərçivəsində konsert proqramı ilə çıxış edəcək.
Bu barədə Ş.Növrəsli bildirib ki, konsert Azərbaycanın Fransadakı səfirliyinin təşkilatı dəstəyi ilə reallaşacaq.

Ş.Növrəsli indiyədək Uday Mazumdar, Alison Miler, Aleks Pek, Mat Zebroski, Cef Lederer, Con Vikan, Saşa Maşin və başqa tanınmış musiqiçilərlə eyni səhnəni bölüşüb və albomlar yazdırıb.

Azərbaycanlı cazmen, həmçinin Türkiyə, Fransa, Kanada, Rusiya və digər ölkələrdə uğurlu konsert proqramları ilə çıxış edib, həmin ölkələrin aparıcı universitetlərində və məktəblərində ustad dərsləri verib.