Müğənni Röya dostluq etdiyi həmkarı Niyam Səlaminin evini satın alıb. ANS PRESS-in məlumatına görə, Niyam Lider TV-nin "Pərdə" proqramına açıqlamasında evini Röyaya satdığını söyləyib: "Evimi satmaq qərarına gəldim və bu evi ancaq Röyaya sata biləcəyimi düşündüm. Çünki evin divarlarında onun rəsmləri var. O mənə "yox" demədi və aldı. Bildiyimə görə evi işçilərindən birinə, ya Kənana, ya da digər işçisinə alıb. Dəqiq deyə bilmərəm".

Müğənni verilişdə Röyanın heç də yaxşı münasibətdə olmadığı Aygün Kazımovanın repertuarından "Novruz" mahnısını oxuyacağını da deyib: "Röya mənə heç bir söz deyə bilməz. Biz böyük insanlarıq. Aygün xanımın o mahnısı çox xoşuma gəldi və oxumaq istədim. Niyə də olmasın?!"