Populyar müğənni Röya fanat ordusu yığır. ANS PRESS-in məlumatına görə, hər zaman fanatlarının çoxluğundan danışan Röya onların sayını daha da artırmağa qərar verib. Müğənninin saytında yerləşdirilən müraciətdə bunlar yer alıb: "Əziz fanatlar əlinizə super şans düşüb. Röya xanımın Fan ordusu yığılır. Sizdə bu orduya qoşulmaq istəyirsinizsə, sadəcə aşağıda qeyd olunan email ünvanına özünüz haqqında qısa məlumat və şəklinizi yollayın- [email protected]. Bu email ünvan artıq xidmətinizə açıqdır."

Qeyd edək ki, Azərbaycan şou-biznesində fanat ordusu olan müğənnilərin sayı çox deyil. Bu siyahıda ilk sıraları xalq artistləri Aygün Kazımova və Faiq Ağayev, müğənnilər Röya, Rəhim Rəhimli tutur.

Müşahidələrimizə görə, vaxtilə fanat ordusu ilə öyünən xalq artistləri Zülfiyyə Xanbabayeva və Brilyant Dadaşovanın isə son vaxtlar fanatlarının sayında azalma hiss olunur. Bunun da obyektiv səbəbləri var. Bu səbəblərdən biri də onların son zamanlar yeni layihələrə imza atmamasıdır. Onların əvəzinə isə öz fanat ordusunu formalaşdıran gənc müğənnilər Sevda Yəhyayevanın və Zamiqin adlarını çəkmək olar. ANSPRESS