Türkiyədə səfərdə olan “Gangnam Style” mahnısının ifaçısı PSY ötən gün mətbuat konfransı keçirib. Türkiyə ilə Cənubi Koreya arasında həmişə qardaşlıq əlaqəsi olduğunu deyən müğənni “You-Tube”da onun klipini ən çox izləyən 3-cü ölkənin Türkiyə olduğunu deyib və buna görə təşəkkür edib.

Daha sonra müğənniyə istiqamətlənmiş ingiliscə “Uğuru mahnıya yoxsa rəqsə görə qazandınız?” sualını tərcüməçinin türkcə səsləndirməsi PSY-nin təəccübünə səbəb olub. Bu vəziyyət qarşısında ağzı açıq qalan müğənni, “Mənə ingiliscə verilən sualı siz türkcə səsləndirirsiniz” – deyərək gülüb.