Avropanın tanınmış müğənnisi, milliyyətcə azərbaycanlı olan Araş sentyabrın 29-da bir günlüyə Azərbaycana gəlir.

ANS PRESS-in Xəzərinfo.az-a istinadən verdiyi xəbərə görə, bu barədə etibarli mənbə məlumat verib.

Mənbənin dediyinə görə, Araş şəhərimizə özəl məclislərin birində iştirak etmək üçün gəlir. Onu Bakıya Ruslan Cəfərov adlı iş adamı dəvət edib.

Adı çəkilən saytın əməkdaşı adı çəkilən iş adamı ilə əlaqə saxlayaraq, məlumatı dəqiqləşdirmək istəsə də, o, bu barədə danışmaq istəməyib. Yalnız onu bildirib ki, düzdür, sentyabrın 29-u ailəmizdə çox özəl bir gündür: "Yerli və xarici ulduzların çoxu məclisimizdə olacaq. Araşı tanıyıram, amma onun gəlib-gəlməyəcəyi haqda heç nə deyə bilmərəm. Həmin gün ailəmiz üçün özəl bir gün olduğu üçün, media burda olmayacaq və gələn hər kəs qonağımızdır".