Amerika kinematoqrafiyasında və Hollivudda parlaq iz qoymuş və keçən ay həyatla vidalaşan dünya şöhrətli aktrisa Elizabet Teylorun ləl-cəvahiratları, sahib olduğu sənət əsərləri, paltarları və bəzi digər əşyaları hərraca çıxarılacaq. CNN Türk-ün verdiyi məlumata görə, "Christies" hərrac salonundan verilən açıqlamada, "Teylorun tarixi kolleksiyanının" satışa çıxarılacağı bildirilib. Satışla bağlı detallar və satışın tarixi daha sonra açıqlanacaq.

Xatırladaq ki, Elizabet Teylor ömrünün 79-cu ilində 23 martda ürək çatışmazlığı simptomu ilə fevralda yerləşdirildiyi Los Anceles xəstəxanasında vəfat edib. Aktrisa uşaqlarının əhatəsində keçinib.