Xalq artisti Nise Qasımova özünə titul verənlərə əsəbiləşib. O, virtualaz.org-a açıqlamasında bunun səbəblərindən də danışdı.

“Gündə efirdən bir müğənninin özünə titul verməsi məni lap əsəbiləşdirir. Bu nədir axı? Mən illərin sənətçisiyəm və bütün layiqli mükafatları da almışam, ancaq belə eybəcərlik görməmişəm. Heç bir vaxt şəxsiyyətimə belə adları yaraşdırmaram. İndi baxıram ki, özün-özünü yada salmasan, heç kim səni itirib-axtaran deyil. Elə qoy mən də özümə bir titul verim. O da belədir - “Məzəli mahnılar kraliçası”. İndən belə mənim ifamda ancaq məzəli mahnılar eşidəcəksiniz” - deyə xanım sənətçi qeyzlə bildirdi.

Qeyd edək ki, Nise Qasımova yeni ilin fevralında solo konsert verməyi düşünür. Baxmayaraq ki, 13 nəhs rəqəmdir, xalq artisti konserti fevralın 13-də verməyi arzu edir.