Tez-tez xarici ölkələrə səfər edən Azərbaycanın xalq artisti Nazpəri Dostəliyeva Maldiv adalarındakı yay tətilini başa vuraraq vətənə qayıdıb.

ANS PRESS-in Milli-az-a istinadən verdiyi xəbərə görə, bu barədə sənətkarın prodüseri Mikayıl Cavidan məlumat verib: “Nazpəri xanım doğmaları ilə birlikdə öncə avqustun 2-dən 4-dək Almaniyada istirahət etdi. Qalan 10 günü onlar hamılıqla Maldiv adalarında dincəliblər. Nazpəri xanım dünən Bakıya qayıtdı. Çox qısa zamanda yenidən yaradıcılıq işlərini davam etdirəcək”.

Prodüser bildirib ki, çalışdığı müğənninin Hind okeanının sahillərindəki mərcan adalarında çəkdirdiyi fotosessiya yaxın günlərdə mətbuata təqdim olunacaq.