Azərbaycanda ilk dəfə olaraq müğənnilər və aparıcılar səhnədə yox, futbol meydançasında güclərini sınayacaqlar. İlk dəfə olaraq incəsənət nümayəndələri geniş miqyasda futbol oynayacaq. ANS PRESS-in məlumatına görə, yeni layihənin müəllifləri müğənni Ramal Əsədzadə və prodüser Mehri Əliquliyevadır.

Futbol yarışmasında Əməkdar artist Almaz Ələsgərli, müğənni Yaşar Cəlilov, Xatun, Faytonçu Nazim, Günel Məhərrəmova, Sevil Sevinc bacıları, aparıcılar Günel Hümbətova, Kamran Quliyev, rəqqasə Oksana Rəsulova, reper “Qurd” və bir çox tanınan adlar iştirak edəcək.

Matç noyabrın 15-də “Şəfa” stadionunda keçiriləcək. Layihənin özəlliyi yalnız şou-biznesi təmsil edən xanımlar və bəylərin birgə futbol oynamasıdır. Layihənin məqsədi şou-biznes nümayəndələrinin milli futbola dəstəyini nümayiş etdirməkdir. Oyuna iki tanınmış sima hakimlik edəcək. Tamaşaçılar üçün giriş sərbəstdir.