Populyar və sevilən müğənni Elnur Məmmədovun keçmişi gündəmə gəldi. ANS PRESS-in məlumatına görə, ifaçının uşaqlıq arxivi üzə çıxdı. Elnurun 11-12 yaşlarında AzTV-nin efirində qonaq olduğu verilişlərdən görüntülər dünən Youtube kanalına yüklənib. Onun peşəkar ifaçılıq fəaliyyətinə kiçik yaşlarından başlamasına sübut olan videolar internet istifadəçiləri tərəfindən rəğbətlə qarşılanıb.

Qeyd edək ki, xüsusi musiqi istedadı özünü erkən biruzə verdiyindən həmin ildən Əfsər Cavanşirovun rəhbərlik etdiyi “Bənövşə” uşaq xorunda çıxış edib. 1993-cü ildə Uşaq Filarmoniyasında tanınmış xanəndə Zabit Nəbizadənin sinfində musiqi təhsilimi davam etdirib.

Bu illər ərzində dəfələrlə ölkə televiziya və radiolarında müxtəlif səpkili mahnıları ifa edib və perspektivli gənc ifaçı kimi diqqət mərkəzində olub. 1994-cü ildə “Qönçə - 94” müsabiqəsində xanəndə kimi birinci yerə layiq görülərək, laureat adını alıb.