Hollivud ulduzu Milla Yovoviç Azərbaycanın aparıcı süd məhsulları istehsalçısı "Milla"nın televiziya reklamında çəkilmək üçün Bakıya gəlib. ANS-ə eksklüziv müsahibə verən müğənni “Şou Biz” verlişinin suallarını cavablandırıb. Ukraynalı qonaq qonşu öklədə yaşadığından Azərbaycanı yaxından tanıdığını və ölkəmiz haqqında məlumatı olduğunu bildirib.

İnsan kimi də çox sadə olan xanım iş prosesində kaprizləri olmadığını deyib. Rus dilini öz ana dilini hesab edən müğənnnidən “rus dilində hansı sözü xoşlayırsınız?” sualına cavabında Mila Yovoviç bildirib ki, onun rus dilində ən çox sevdiyi söz “lyubov”dur (sevgi): “Rus dilində “lyubov” sözünü sevirəm və bütün insanlara sevgi arzulayıram”.

Aktrisa "The Fifth Element", "Resident Evil", "Return to the Blue Lagoon" filmlərindəki rolları ilə böyük uğurlar qazanıb. Artıq bir neçə gündür ki, Azərbaycanda olan müğənni bazar ertəsi öz vətəninə dönəcək.

Xatırladaq ki, hollivud ulduzu Mila Yovoviç bu gün ANS telekanalında yayımlanan “Baş xəbər” verilişinin qonağı olacaq.