“Bu gün meyxana sənəti inkişaf edərək, elə bir həddə çatıb ki, o artıq asan yox, çətin olub. Bu səbəbdən də bəzi meyxana deyənlər müasir meyxana ilə necə deyərlər çətin ayaqlaşır”. Bunu meyxanaçı Mehman Əhmədli Milli.Az xəbər portalına müsahibəsində deyib. O, həmkarları Ağamirzə və Kərim barəsində ağır sözlər işlədib. “Mən onları qəbul etmədiyimi demirəm. Lakin yaxşı olardı ki, onlar artıq yeni nəsil ilə bir sırada ola bilməyəcəklərini qəbul etsinlər. Ağamirzə bu həqiqət ilə barışmaq istəmir. Mənə elə gəlir ki, hansı meydanda əsil söz var, meyxana sənəti var - Ağamirzənin o meydanda artıq yeri yoxdur”, - Mehman Əhmədli deyib.

Mehman Əhmədli Ağamirzədə onu meydana çağırmağa enerji və qüvvə olduğuna inanmadığı deyib: “Mən özüm onu meydana çağırmağa hazıram. Amma özü də bilir ki, mən kiməm. Mənim bu sənətdə gücümə bələddir. Hal-hazırda çox zəif meyxana deyir. O zaman ki, bu sənətdə 5-6 nəfər meyxana deyirdi, onda Ağamirzə onların sırasında idi. İndi yeni nəsil meyxana sənətində heç 20-30 nəfər arasında belə adı yoxdu. O zəiflərin sırasındadır. Ağamirzə trener səviyyəsindədir, döyüşçü yox. Yaxşı olar ki, yeri hardadır, orda da qalsın”.
ANSPRESS