Əməkdar artist Mətanət İsgəndərli sözləri Türkiyənin məhşur nəğməkar şairəsi Ayşe Birgül Yılmaza, musiqisi isə Elza Seyidcahana məxsus “Gözlərin” adlı mahnıya klip çəkdirir. Mətanət İsgəndərli ANS PRESS-ə açıqlamasında mahnının Elza tərəfindən hədiyyə olduğunu söylədi: “Elza ilə illərdir rəfiqəyik. Amma bu il ərzində Elza mənə bir mahnı hədiyyə edib. Əslində mahnı 5 il bundan əvvəl aranjeman olunub. Amma studiyada bunu bu yaxınlarda lentə aldıq. Çox gözəl musiqidir. Ayşe Birgül Yılmaz xanıma da burdan təşəkkür edirəm. Mahnının sözləri çox təsirldir. İnşallah yaxın günlərdə klipə də şahid olarsınız. Mətanəti tanıyanlar bilir ki, Mətanət hər yay bir hit mahnısına klip çəkdirir”- deyə M.İsgəndərli əlavə edib.

Əməkdar artist bildirib ki yay aylarında kliplə yanaşı yazdığı şerlərdən ibarət də albom da çıxaracaq: “Bəzən mən o qədər doluram ki, kənara çəkilib ürəyimdən keçənləri bir-bir yazıram. Mən onlara şer deməzdim, onlar mənim özümlə söhbətimdir. Ürəyimdəkiləri kazığa köçürəndə sanki sakitləşirəm. Amma şerlərimdən elələri var ki, onları heç vaxt üzə çıxartmayacağam.”