Bütün dünya yeni İngiltərə şəhzadəsinin doğumundan danışarkən, məşhur cütlük 39 yaşlı Penelope Kruz və 44 yaşlı Javier Bardem də eyni gün ikinci körpələrini qucaqlarına alıb. ANS PRESS-in xarici mətbuata istinadən verdiyi məlumata görə, məşhur aktrisanın ötən gün Madriddəki xəstəxanalardan birində dünyaya gətirdiyi körpə qız olub. Uşağın adı hələlik açıqlanmayıb.

Qeyd edək ki, “Vicky Cristina Barcelona” filminin çəkilişlərində birlikdə olmağa başlayan və 2010-cu ildə evlənən Kruz və Bardem, 2011-ci ildə doğulan oğullarına Leonardo adını vermişdi.