Afrika əslli ABŞ sakini məhşur model Naomi Kempbel İordan çayının Qərb sahilindəki müqəddəs Beytullahim (Vifleem) qəsəbəsinə ziyarətə gedib. Kempbel 42 yaşını İsa peyğəmbərin doğum yeri olduğuna inanılan və xristianlar üçün müqəddəs hesab edilən “Doğuş” kilsəsində qeyd edib. Məlumata görə, kilsədə şam yandıran model daha sonra yaxınlıqda olan restoranlardan birinə gedərək düyü və quzu ətindən ibarət olan ənənəvi Fələstin yeməyi yeyib.

Qeyd edək ki, ziyarət müddətində şəxsi cangüdənləri ilə yanaşı fələstinli təhlükəsizlik qüvvələri də Kempbelin mühafizəsini təmin ediblər.