Bu gün dünyaca məşhur 55 yaşlı ulduz Madonna böyük qızı Lurdes Leonun doğum gününü qeyd edir. ANS PRESS-in məlumatına görə, Madonnanın qızının 17 yaşı tamam olur. Xoşbəxt ana şəxsi "İnstaqram" səhifəsində ad günü tortunun şəklini paylaşıb.

Üzərində rəng-bərəng mastiklər və 17 ədəd şam ilə bəzədilmiş tortun üzərində: “Ad günün mübarək Lola!” yazılıb.
Sənətçi öz arzularını belə qeyd edib: “Bu gün mənim konfetimin ad günüdür! Qoy hər zaman uğur onunla olsun! Biz çox xoşbəxtik!”

Qeyd edək ki, Madonna Lurdesi bir vaxtlar sevgilisi olan şəxsi fitnes müəllimi Karlos Leonadan dünyaya gətirib. İki ildən sonra isə Karlosla ayrılıblar. Baxmayaraq ki,sənətçi hal-hazırda Leonla heçbir əlaqəsi yoxdur, birgə övladları olan, Fransanın şəhəri Lurd şərəfinə adlandırılan qızı atası ilə tətildə daha çox vaxt keçirir.