Tanınmış azərbaycanlı müğənni və bəstəkar EMİN (Emin Ağalarov) 22 iyulda Londonun populyar klublarından birində konsert verəcək. ANS PRESS-in müğənninin rəsmi internet saytına istinadən verdiyi məlumata görə məşhur musiqiçi və biznesmen Çelsidə yerləşən "Under the Bridge"də çıxış edəcək.

Qeyd edək ki, EMİN-in kompozisiyaları son zamanlar Böyük Britaniyada böyük populyarlıq qazanıb. Onun mahnıları ölkənin radiolarının pley-listlərinə daxil edilib. EMİN-in "Wonder" albomundan "Any Time You Fall" mahnısı ölkənin 17 radiodtansiyasına qoşulan "Heart Network" pley-listinə daxil edilib. Bura Manx FM, Imagine FM, BBC Radio Wales, Media Sound (Arrow FM, Bright FM, Sovereign FM və Splash FM) və Quidem Network (Touch FM radiosunun 4 stansiyası, Rugby Sound və Banbury Sound radioları daxildir.

Böyük Britaniya dinləyiciləri azərbaycanlı müğənninin radioda səslənən kompozisiyalarına aktiv səs verirdilərsə, londonlular tezliklə sevdikləri musiqi parçalarını canlı eşidə biləcəklər. ANSPRESS