“Kurtlar Vadisi Pusu”nun son seriyalarında Polad Alemdarı və adamlarını “Mossad” casusu Şamirə satmağa çalışan mənfi qəhraman İzzət ağa obrazını canlandıran Erol Tezerenin daçasına oğrular girib. Aktyorun, Balıkesir vilayətinin Erdek rayonunda olan daçasına eyvandan giren oğrular evdə olan pulu, fotoaparatları və kameraları oğurlayıb. Evdən barmaq izi götürən polis isə oğruların ələ keçirilməsi üçün əməliyyatlara başlayıb.

Erol Tezeren isə oğrulara müraciət edərək tək bir şərtlə hər şeyi onlara verdiyini bildirib. “Fotoaparat da, kameralar da, pullar da sizin olsun. Amma cihazlarda olan yaddaş kartlarını və filmləri poçtla mənə göndərin. Kurtlar Vadisi Pusu filminin çəkiliş meydanında, habelə Amerikada ailəmlə çəkdirdiyim xatirə şəkilləri, uşaqların və nəvələrin şəkilləri o aparatlarda idi, ona üzülürəm”.