Azərbaycanın və Dağıstanın xalq artisti, Şöhrət ordenli, Türk dünyasının sənət kraliçası, Dünya Sülh Səfiri İlhamə xanım Quliyeva Heydər Əliyevin 90 illik yubileyi ilə əlaqədar ölkəmizin bir sıra bölgələrinə səfər edib. Sənətkarın mətbuat katibi Faiq Ələkbərlinin ANS PRESS-ə verdiyi məlumata görə, İlhamə xanım yubileylə əlaqədar ilk olaraq Beyləqan rayonuna yollanıb. Sənətkar həmin rayonda onun sənətinin vurğunlarına ən sevilən mahnılarını ifa edib.

Xalq artisti daha sonra Astara rayonuna üz tutub və İlhamə xanımın adını eşidib onu dinləməyə toplaşan minlərlə rayon sakini qarşısında çıxış edib. Astarada dahi lider Heydər Əliyevin 90 illik yubileyi ilə bağlı təşkil olunan konsert proqramında İlhamə xanım musiqisi Kamala, sözləri Baba Vəziroğluna aid olan “Xalq Heydər - Heydər Xalq” əsərini ifa edib.

İlhamə Quliyeva bu gün Masallı rayonunda növbəti konsertini verdi.