"Muhtesem yüzyıl" serialında Hürrəm Sultan rolunu oynayan və 100-cü seriyada çəkilişləri yarımçıq qoyaraq teleserialı tərk edən aktrisa Məryəm Üzerli Berlindən İstanbula qayıdacağını istisna etməyib. Milli.Az AHT-yə istinadən bildirir ki, Almaniyada doğulmuş və orada yaşamış türk aktrisanın İstanbulda yeni seriala çəkilməyə başlayacağı vurğulanır.

Onun yeni layihədə alacağı qonorar isə "Mühteşem yüzyıl"da müqayisədə 3 dəfə artıqdır.
Serialın adı və çəkilişlərin başlayacağı tarix hələ açıqlanmır.

M.Üzerlinin hələ "Mühteşem yüzyıl"da çalışarkən danışıqlara başladığı və yeni serialı çəkəcək studiya ilə şərtləri müzakirə edərək razılaşdığı vurğulanır. Onun müqavilə imzaladığı da deyilir.