“Forbes” jurnalı Holivud aktyorlarının 2013-cü il üçün gəlirlərinin miqdarını açıqlayıb. ANS PRESS-in xarici mətbuata istinadən məlumatına görə, siyahıda birinci yeri 75 milyon dollarla Robert Dauni tutur.

İkinci yerdə 60 milyon dollarla Çenninq Tatum, üçüncü yerdə isə 55 milyon dollarla Huq Cekman durur.
Mark Uorberq 52 milyon dollar qazanc əldə edib.

Beşinci yerdə 46 milyon dollar qazanan Duen Cekson dayanır. Titanikin məşhur aktyoru Leonardo Di Kaprio siyahıda 6-cı yerdə durur. Onun qazancı 39 milyon dollar olub.

Onları 37 milyon dollarla Adam Sendler izləyir. Tom Kruz isə əvvəlki illələr müqayisədə siyahıda geriləyib və 35 milyon dollarla səkkizinci yerin sahibi olub.
Doqquzuncu yerdə 33 milyon dollarla Denzel Vaşinqton dayanıb, siyahıda sonuncu 32 milyon dollarla Liam Nison tamamlayır.

2012-ci ilin “ən çox qazanan aktyorlar” siyahısında yer alan Vill Smit və Coni Dippin bu ilki siyahıda yer tuta bilməməsi təəccüb doğurub.

Xatırladaq ki, jurnalın ötən il yayımladığı siyahıda Tom Kruz 75 milyon dollarla birinci olmuşdu.