Məşhur Hollivud ulduzu Holli Berri aktyor Olivye Martinesə ərə gedib. ANS PRESS-in xarici mətbuata istinadən verdiyi məlumata görə, toy mərasimində yalnız cütlüyün yaxın dostları və qohumlarından ibarət olan 60 nəfər iştirak edib. Aktrisanın 5 yaşlı qızı Nala da toyda anasının yanında olub.

Holli Berri ilə Olivye Martinesin toyu atəşfəşanlıqla yekunlaşıb.

Qeyd edək ki, hazırda Martinesdən hamilə olan Berri artıq iki dəfə ərdə olub. Onun birinci əri idmançı Devid Castis, ikincisi isə musiqiçi Erik Bene olub.