Türkiyədə yaşayan Azərbaycanlı model Günay Musayeva son zamanlar yenilikləri ilə sevindirsə də bu dəfə xoş olmayan xəbər ilə paylaşıb. ANS PRESS-in verdiyi məlumata görə, Türkiyədə məşhur olan aktyor Tolqa Karellə ailə həyatı quran model Günayın evinə oğrular girib.

Bu barədə məlumatı model şəxsi Twitter səyfəsində paylaşıb

Günay evinə girən oğruların şəxsiyyət vəsizəsindən tutmuş, avtomobillərinə kimi hər şeyi götürdüklərini deyib:

“Bu gün yenə oğurluq şoku ilə yuxudan oyandıq. Evimə girənlər seyfdən şəxsiyyət vəsiqələrimdən tutmuş zinət əşyalarıma kimi hər şeyi götürüblər. Pullarımızı da oğurlamaları bəs etməyib, mətbəxdən kompüterimi və

Tolqanın avtomobilinin açarlarını götürüblər. Beləcə, rahat maşınımıza minib gediblər.

Biz də yan otaqda yatmışıq. Bu necə rahatlıqdır belə? Və polislər əllərində videogörüntü olmasına baxmayaraq, hələ də adamları tapa bilməyiblər. Hadisədən neçə saat keçib”.