Çinin Sıçuan əyalətinin hökuməti iki müğənnini ötən ilin sentyabrında fonoqramla konsert verdiklərinə görə 12 min dollar məbləğində cərimə edib. Konsert təşkilatçıları bildiriblər ki, fonoqramla oxuyan iki qadın əslində müğənni yox, rəqqasə olub.

Çində fonoqramla mahnı oxunmasına 2008-ci il Pekin Olimpiya oyunlarının açılış mərasimindəki insidentdən sonra qadağa qoyulub. Açılış mərasimində Olimpiya mahnısını ifa etməli olan müğənnini təşkilpatçılar kifayət qədər cazibədar hesab etməyiblər, onu əvəz edən digər müğənni isə fonoqramla ifa zamanı çətin vəziyyətə düşüb. ANSPRESS