Xalq artisti Faiq Ağayevin yeni sevgilisi var və bu xanım şou-biznes aləmindən deyil. ANS PRESS-in məlumatına görə, müğənni şəxsi həyatı ilə bağlı bəzi faktları Day.az saytına müsahibəsində açıqlayıb.

Sevgilisinin şou-biznesə aidiyyatının olmadığını deyən F.Ağayev onun haqqında əlavə məlumat verməkdən imtina edib. O, yalnız sevgilisinin hələ 30 yaşının olmadığını söyləməklə kifayətlənib.

Faiq Ağayev müsahibəsində indiyədək aldığı ən bahalı hədiyyə haqda da danışıb. Onun sözlərinə görə, ona hədiyyə edilən "Ulysse Nardin" saatının qiyməti 21 min avrodur. Xalq artistinin özünün hədiyyə etdiyi ən bahalı əşya isə eksklüziv zərgərlik dəsti olub – 32 min manat. O, bu hədiyyəni kimə verdiyini açıqlamayıb.