Teleaparıcı Emin Musəvi xalq artisti Faiq Ağayevdən video müsahibə götürüb. ANS PRESS-in Show.az-a istinadən verdiyi məlumata görə, son zamanlar şou-biznesdə baş verən hadisələr barədə danışan xalq artisti Flora Kərimova ilə aralarında baş verənlər haqqında da maraqlı açıqlamalar verib.

“Artıq bütün körpülər yandırılıb” deyən Faiq Ağayev onu da bidirib ki, “Öz gücünə güvənən insan heç vaxt üçüncü tərəfin köməyi ilə münaqişəni həll etməz”.

Flora Kərimovanın onun haqqında dediklərinin yalan olduğunu söyləyən xalq artisti bu məsələyə aydınlıq gətirib.

“Dostumun qızının ad günündə olmuşuq. Səhər ayılmışam, görürəm ki, internetdə yaşlı bir qadın haqqımda təhqiramiz ifadələr işlədib. Mən buna nə edim? Mən buna cavab verməsəm, sonra deyəcəklər ki, Faiq Ağayev zəifdir. Elə məsələlər var ki, onlar çox həssasdır, şəxsiyyətə toxunur”.

Brilliant Dadaşova ilə münasibətləri barədə suala isə xalq artisti belə cavab verdi: “Bəzən küçədə temperaturun neçə olmasını vecimizə almırıq. Elə kəslər var ki, onlar mənimçün küçədəki tempratur kimidir. “Bizim şou-biznesdə nələr baş verir?” sualını eşidən xalq artisti bir qədər fikrə getdi və maraqlı cavab verdi. “Kortəbilikdir. Yazılmayan qanunlar var. Bura mahir, hətta hörmətimə layiq olan rejissor tərəfindən o vəziyyətə gətirilib ki, ağ boz kimi görünür.”

Aşağıda “Mənim əzəli bir düşmənim var”, “şou-biznes mahir bir rejissor tərəfindən idarə olunur” və bu kimi digər maraqlı fikirlər səsləndirən Faiq Ağayevin video müsahibəsini izləyə bilərsiniz.