Bu il artıq 6-cı mövsümə başlayacaq “Arka Sokaklar” serialının iki aktyoru İlkər İnanoğlu (Engin) və Zeyneb Beşerler (Mələk) ötən gecə İstanbuldakı restoranlardan birində paparassilərin obyektivlərinə yaxalanıb. Jurnalistlərin suallarına cavab verən İnanoğlu yeni mövsümdə seriala qayıdacağını deyib: “Qəmzə Özçelikle birlikdə bu filmdə çəkilməyə bir müddət fasilə vermişdik. Mən yeni mövsümdə serialda olacağam”.

Qeyd edək ki, İlker İnanoğlu ilə birlikdə olan Zeyneb Beşerler jurnalistlərin suallarına cavab verməyib.

Xatırladaq ki, Engin komissar rolunun ifaçısı İlker İnanoğlu filmdə Rza baba obrazını canlandıran Zəfər Erginlə aralarında baş vermiş mübahisəyə görə keçən il "Arka Sokaklar"dan ayrılmışdı.