Rusiyada fəaliyyət göstərən müğənni Emin Ağalarov Moskvada 28 May Respublika Gününə həsr olunmuş konsert proqramı ilə çıxış edəcək. ANS PRESS-in müğənninin rəsmi internet saytına istinadən verdiyi məlumata görə, konsert "Baku" konsert kompleksində baş tutacaq. Konsertdən əldə olunan vəsait xeyriyyə məqsədilə sərf ediləcək.

5 iyunda isə müğənni Sankt-Peterburqda solo konsert verəcək. Emin Ağalarov şəhərin "Avrora" konsert salonunun səhnəsində çıxış edəcək.

Eminin Yaşıl Teatrda da konsert verəcəyi gözlənilsə də, konsertin tarixi hələ bəlli deyil. Müğənninin nəzərdə tutulan konserti paytaxtımızda sayca dördüncü çıxışı olacaq. ANSPRESS