Avropada “Wonder” albomunu yenidən satışa çıxaran məhşur müğənni və bəstəkar Emin Ağalarov ANS-ə eksklüziv müsahibə verib. Xatırladaq ki, bu albomun kampaniyasına martın 28-də Londonda start verilib. E.Ağalarovun sözlərinə görə, bu, İngiltərə ərazisində ikinci mahnısının çıxışıdır: “Any time you fall” Britaniyanın BBC radiostansiyasında həftənin mahnısı kimi qiymətləndirilib və bu mənim gözlədiyim ən yüksək qiymətdir”.

Müənninin fikrincə, bu o deməkdir ki, məhz onun bu mahnısı həftəboyu ən çox səslənən mahnılardan biri olacaq: “Hələ ki, albom yalnız İngiltərədə yayılıb. Yayın sonu və sentyabrın əvvəllərində isə dünürəm ki, Almaniya, Skandinaviya ölkələri, Avstriya və İsveçrədə də satışa çıxarılacaq. Hazırda biz yekun danışıqlar mərhələsindəyik. Bundan sonra albomum bütün dünyada və bütün musiqi bazarlarında satışa çıxarılacaq”.

E. Ağalarov Azərbaycanda konsertlə iyunun 7-də çxış edəcək: “Bakıdan sonra isə Londonda konsertlə çıxış etməyi planlaşdırıram. Azərbaycanda “Wonder” albomu ilə çıxış edəcəm. Bununla yanaşı 10-a qədər yeni mahnı ifa edəcəm. Konsertdə ola bilsin ki, yeni 4 klipimin təqdimatı da olsun”.