APA-nın məlumatına görə, bu sözləri sabah Bakıda Yaşıl Teatrda solo-konsert proqramı ilə çıxış edəcək müğənni Emin Ağalarov jurnalistlərə açıqlamasında deyib.
Müslüm Maqomayevin barelyefinin açılış mərasimində iştirak edən E. Ağalarov konserti ilə bağlı geniş məlumat vermək istəməyib: “Bu gün bütün sözlər ancaq və ancaq Müslüm Maqomayevə aiddir”. M. Maqomayevi ustadı saydığını deyən müğənni onun haqqında fikirlərini söyləyib: “Düşünürəm ki, Müslüm Maqomayevi anmadan konsertim tam ola bilməz. Onun mənə qarşı münasibətini heç zaman unuda bilmərəm. Müslüm Maqomayev yaradıcılığıma hər zaman dəstək verən müəllimim olub. O mənə daima ümid verib. Məni müğənni olmaq üçün həvəsləndirib”.

Qeyd edək ki, Emin Ağalarov iyulun 7-də Bakıda Yaşıl Teatrda solo-konsert verəcək. Hər zaman olduğu kimi, müğənninin bu konserti də xeyriyyə məqsədi daşıyır. APA