Azərbaycanlı bəstəkar və müğənni Emin Ağalarov Azərbaycan təimsilçiləri Eldar Qasımov və Nigar Camalı “Eurovision-2011” mahnı müsabiqəsindəki qələbə münasibətilə təbrik edir. ANS PRESS-in Emin Ağalarovun internet saytına istinadən verdiyi məlumata görə, təbrikdə deyilir: “Onların qələbəsi ilə fəzr edirəm. Bu, xoş və gözlənilməz sürpriz idi. O mənada yox ki, onlar buna layiq deyildilər. Ona görə ki, praktiki olaraq bütün Avropa onla bu cür dəstəklədi. Onların hər ikisi xoşuma gəlir, yaxşı təhsil alıblar, ingilis dilində sərbəst danışıqlar və bütün mənalarda öz ölkələrini təmsil etməyə layiqdirlər”.

Emin Ağalarovun fikrincə, Eldar Qasımov və Nigar Camalın gözəl qələbəsi Azərbaycanın çoxlu sayda tamamilə yeni insanlar tərəfindən layiqincə tanınmasına və qiymətləndirilməsinə imkan verəcək. “Rusiyaya 12 bala görə ayrıca təşəkkür edirəm. Bütün ölkə özünü bu qələbənin iştirakçısı sayır. Bizim hamımız fəxr edirik və xoşbəxtik”.

Emin Ağalarov gələn il “Eurovision” müsabiqəsində iştiakı ilə bağlı çoxsaylı suallara münasibət bildirərkən deyib ki, hələlik bu sualları cavabsız qoyur. Amma onun tezliklə bu məsələ ilə bağlı mövqeyini bildirəcəyi gözlənilir.