Əməkdar artist Elza Seyidcahandanın növbəti maraqlı addımı Şəki tamaşaçılarını təəccübləndirib. ANS PRESS-in məlumatına görə, Şəkinin Kanal S televiziyasının qonağı olan bəstəkar müğənni sözügedən kanalda yayımlanan axşam xəbərlərinin aparıcısı kimi efirə çıxıb.

Xəbərlərin aparıcısı Asif Bağırovla eyni studiyanı paylaşan müğənni növbəti dəfə gözlənilməz addımıyla maraq doğurub. "Xəbər" aparıcılarından geri qalmayan Elza Seyidcahan proqramda ciddi görunüşü və sərt üz ifadəsiylə yadda qalıb.

Regional televiziyada ilk dəfə bu növ yenilik edilib. Elza xəbərləri təqdim etməyin həyəcanlı və məsuliyyətli olduğunu bildirib.