Bu ilin mart ayında üçüncü övladını dünyaya gətirən müğənni Elnarə Xəlilova artıq iş başındadır. ANS PRESS-in məlumatına görə, təxminən bir müddət əvvəl Qan rok qrupu ilə məşqlərə başlayan ifaçı dünən səhnəyə çıxıb. İfaçı Qan qrupunun solisti kimi 20 May Respublika günü və Milli qəhrəman Çinfiz Mustafayevin adını daşıyan ANS ÇM radiosunun ad günü münasibətilə keçirilən konsertdə iştirak edib. Yasamal rayonunda istirahət parkında təşkil edilən tədbirdə səhnəyə çıxan ifaçı həmişə olduğu kimi şən və gümrah görünürdü. İfaçı konsertə toplaşanları rokun təsiri altına salaraq qısa fasilədən sonra yenidən tamaşaçılarının rəğbətini qazandı.

Qeyd edək ki, müğənni Elnarə Xəlilova 2006-cı ildə teleaparıcı Rövşən Cahangirovla ailə həyatı qurub. Qızı Burla Xatun 2007-ci il iyunun 22-də, oğlu Tuğər Harun 2009-cu il oktyabrın 11-də, üçüncü övladı Öndər isə 2011-ci ilin 19 martında dünyaya gəlib. ANSPRESS