Müğənni Elnarə Xəlilovadan yaradıcılıq yenilikləri var. Müğənninin ANS PRESS-ə verdiyi məlumata görə, o, bu yeniliklərini sabah - 3 apreldə yerli mediaya təqdim edəcək:

"Türkiyədə çox gözəl klip çəkdirmişəm. Bu haqda çox danışmayacam. Təqdimat mərasimində özünüz hər şeyin şahidi olacaqsız. "

Müğənni tədbirin əslində bu gün keçirilməli olduğunu söylədi: "Əslində təqdimat bu gün olmalı idi. Lakin, Kəlbəcərin işğalının 19-cu ildönümü olduğundan tədbiri təxirə saldım. Biz bu tarixi xeyli əvvəl müəyyən etdiyimizdən, Kəlbəcərin işğal gününə təsadüf edəcəyini bilməmişdik. Amma xatırlayan kimi tarixi dəyişdik".