Azərbaycana məhşur Avroviziya müsabiqəsində qalibiyyət sevinci yaşadan şəxslərdən biri, gənc və enerji dolu Eldar Qasımov durmadan çalışmaqda davam edir. Eldarın xanım həmkarı olan Nigar Camal isə Dima Bilanla yenicə duet ifa edib, hətta klip də çəkdirib. Bəs, görəsən, o, bunu qısqanmır ki?

Nigarla yeni duet ifa edəcəyini söyləyən Eldar ən son yeniliklərini də “Şou-biz”lə bölüşüb: “Mən qısqanmıram. Çünki Nigar deyib ki, mənimlə işləmək ona daha xoşdur. Amma Nigara deməyin ki, mən sizə demişəm. Onların oxuduğu mahnı başqadır, bizim oxuduğumuz başqadır. Mənim üçün bizim mahnımız müqəddəsdir, daha yaxşı mahnıdır. Bu ay ərzində bizim mahnımız ərsəyə gəlməlidir. Çox yaxın gələcəkdə də yeni mahnımız olacaq. Mahnı çox şux, atəşfəşanlıdır, insanı həyata qaytaran mahnıdır”.