"Eurovision 2011"-in qalibləri Universal Music Group ilə müqavilə imzalayıblar. ANS PRESS-in müsabiqənin rəsmi internet saytına istinadən verdiyi məlumata görə, müqavilə Universal-ın Almaniya ofisində imzalanıb. Duet tezliklə albom yazdırmağı planlaşdırır və Avropa turnesinə hazırlaşır. Running Scared mahnısı isə "Eurovision"da qələbəsindən sonra Avropa radiolarının çarxlarında ilk yerləri tutmaqdadır.

Universal Music Group (UMG) - "böyük dördlük leyblları" arasında dünyanın ən nüfuzlu səzyazma kampaniyasıdır. UMG - Rihanna, Lady Gaga, The Black Eyed Peas, Celine Dion, David Guetta və başqa dünyaca məşhur ulduzlarla tanınır.

Daha əvvəl duet Rumıniya musiqi leyblı - Roton ilə əməkdaşlıq haqqında müqavilə bağlayıb. Roton, İnna rəqs ulduzunun və Akcent qrupunun Avropada kəşfi ilə tanınır. Leyblın əməkdaşlıq etdiyi ifaçiların siyahısına Bob Sinclar, Tiesto, Tom Boxer, Armin van Buuren, Morris, ATB və başqa beynəlxalq ulduzların adları daxildir.