“Eurovision-2011”-in qalibləri Eldar və Nigar Türkiyənin Star Televiziyasında “Uğur Dündarla xəbər” proqramının qonağı olub. Bakıdan canlı telekorpü ilə proqrama qoşulan "Eurovision" qaliblərinin finalda səhnəyə Azərbaycan bayrağı ilə yanaşı Türkiyə bayrağı ilə çıxması böyük maraq yaradıb. Təmsilçilərimiz Türkiyənin finala vəsiqə qazanmamasına üzüldüyünü bildiriblər. Onlar finalda bütün türk xalqlarını təmsil etdiklərini deyiblər.

Eldar və Nigarı böyük sevgi ilə Türkiyədə görmək istədiklərini bildirən Uğur Dündar STAR xəbər adından təmsilçilərimizi qardaş ölkəyə dəvət edib. Təmsilçilərimiz böyük məmuniyyətlə bu dəvəti qəbul etdiklərini bildiriblər.

Eldar və Nigar qarşıda bir çox planların olduğunu və bunu sürpriz saxladıqlarını deyiblər.