APA-nın duetin rəsmi saytına istinadən yaydığı xəbərə görə, Almaniyada Azərbaycanın müsabiqə qalibləri silsilə şəkildə televiziya verilişlərinə qatılır. Cütlük indiyədək Frankfurtda “Radio HR 3”ə müsahibə verib, Almaniyanın ən reytinqli teleşoularından olan “ZDF – Fernsehgarten”də iştirak edib. Eldar və Nigar Kölndə “ARD Morgenmagazin” səhər verilişinin də qonağı olublar. Verilişdə onlar Düsseldorf səhnəsində ifa etdikləri “Running Scared” mahnısını səsləndiriblər. Cütlük bu gün də televerilişlərdə iştiraklarını davam etdirəcək. APA