"Eurovision 2011" mahnı müsabiqəsinin qalibi Eldar Qasımov dünən çəkilişlərinə start verilən "Qorxma, mən səninləyəm-2" filmində rol alıb. ANS PRESS-in məlumatına görə, bu rol ona filmin rejissoru Yuli Qusman tərəfindən təklif olunub. Eldar Qasımov filmdə lirik gəncin obrazını yaradacaq.

Müğənni filmə çəkiləcəyi barədə “Twitter”dəki səhifəsində belə yazıb: "Çəkiliş meydançasına çıxmağa hazırlaşıram, çəkiliş axşamı möcüzəli olacaq. Filmin çəkilişləri üçün xüsusi hazırlıq keçmişəm. Filmdəki roluma görə at çapmağı belə öyrənmişəm".