Türkiyə şou-biznesinin məşhur simalarından olan Ebru Şallı həyat yoldaşından ayrıldıqdan sonra ilk dəfə olaraq söz-söhbətə yelkən açıb. ANS PRESS-in məlumatına görə, sürpriz bir şəkildə aldıqları ayrılıq qərarı ilə şou-biznes dünyasının mərkəzində olan cütlük - Ebru Şallı və Harun Tan hər nə qədər anlaşıb ayrıldıqlarını desələr də Şallının şəxsi Twitter səhifəsində yerləşdirdiyi karikaturla keçmiş həyat yoldaşına ismarıc göndərməsi günün əsas mövzularından olub.

Azərbaycanda başlayan eşq isə daha da irəliləyib. Yayda Bakıda keçirilən “Qrand” mükafatlandırma mərasimində iştirak edən türkiyəli müğənni Sinan Akçıl və model Ebru arasındakı münasibət günü-gündən daha da irəliləyir.

Ebrunun yeni açıqlaması hər kəsi təəccübləndirib. Belə ki, model Sinanın dünyaca məşhur ulduz Castin Biberdən də yaraşıqlı olduğunu deyib. Müxbir Sinanın Castinə bənzədildiyini dedikdə Şallı bu cür cavab verərək hər kəsi heyrətləndirib. O, Akçılla yaşadığı eşq haqqında danışmaq istəməyib.