Türkiyənin tanınmış müğənnisi Ebru Gündeş şok fırıldaçlıq faktının qurbanı olub. ANS PRESS yerli “Habertürk” qəzetinə istinadən xəbər verir ki, müğənninin yeni qəsri üçün aldığı bahalı rəsm əsərləri və antikvar əşyalar saxta çıxıb. Məlumata görə, Gündeş keçən il İstanbul boğazının sahilində aldığı qəsrdə dekorasiya işləri aparmaq üçün bahalı rəsm əsərləri və antikvar əşyalar alıb. Müğənninin sadəcə 13 rəsm əsəri üçün 7 milyon lirə (2 milyon 971 min manat) xərclədiyi bildirilir. Ebru Gündeşin ailə dostu olan bir anktikvarçı isə rəsm əsərlərindən 12-nin saxta olduğunu bildirib.