Məşhur müğənni Corc Maykl xəstəxanaya yerləşdirilib. ANS PRESS-in Rusiya mətbuatına istinadən verdiyi məlumata görə, Avstriyanın paytaxtı Vyana şəhərinin xəstəxanalarından birinə yerləşdirilən müğənniyə pnevmoniya diaqnozu qoyulub.

Bu səbəbdən C. Mayklın “Simfonika” adlandırılan tur çərçivəsində keçirəcəyi bir neçə konserti təxirə salınıb. Corc Mayklın noyabrın 20-də Vyanada konsert verəcəyi nəzərdə tutulsa da musiqi tədbiri starta bir neçə saat qalmış təxirə salınıb.

Məşhur müğənninin həmçinin Starasburq və Kardiff şəhərlərində verməyi planlaşdırdığı konsertləri də təxirə salınıb. Corc Mayklın Londonun “Royal Albert Holl”dakı konserti isə 2012-ci ilin may ayınadək təxirə salınıb. Həkimlər Corc Mayklın səhhəti barədə əlavə məlumat verməyə tələsmirlər.