Tanınmış amerikalı aktyor Con Travolta zəlzələnin dağıtdığı Haitiyə gedib. Maraqlısı budur ki, o Haitiyə özünün idarə etdiyi "Boeing 707" təyyarəsi ilə gedib. Hollivud aktyoru zəlzələdən ziyan çəkənlər üçün 6 ton humanitar yardım, o cümlədən həkim və keşiş aparıb.

55 yaşlı aktyoru uçuş zamanı həyat yoldaşı Kelli Preston müşayiət edib.

Xatırladaq ki, Haitidə zəlzələ yanvarın 13-də baş verib. Yeraltı təkanlar nəticəsində 200 minə yaxın insan ölüb. Minlərlə insan evsiz qalıb. ANSPRESS