İyul ayında 7 il birlikdə yaşadığı həyat yoldaşı Mark Entonidən ayrılan amerikalı müğənni Cenifer Lopez yeni sevgilisi ilə yaxalanıb. Cenifer məşhur aktyor Bredli Kuperlə birlikdə ilk dəfə paparazzilərin qurbanı olub. ANS PRESS-in Türkiyə mətbuatına istinadən verdiyi məlumata görə, Los Ancelesdə Kuperin avtomobilində olarkən kameranı hiss edən Cenifer əlləri ilə üzünü tutub.



Qeyd edək ki, Hollivud ulduzu olan Kuper əsasən məhəbbət obrazlarından tanınır. Amerikanın məşhur aktrisası, "Oskar" və "Qızıl Qlobus" mükafatçısı Rene Zellveger ilə 2 illik münasibətləri bitirən aktyorun adı Oliviya Vilder ilə də sevgi macərasında hallanmışdı.