Xalq artisti Brilliant Dadaşova yaxın rəfiqəsi, müğənni Zülfiyyə Xanbabayevanı bu gün keçiriləcək solo konsertinə dəvət etməyib. Axşam.az-ın məlumatına görə, Brilliant Dadaşova bu haqda “ATV Maqazin” verilişinə açıqlamasında deyib.
O, biletlərin tez satıldığını və bəzi sənətçi dostlarına dəvətnamə göndərə bilmədiyini söyləyib:

“Təşkilatçılardan dəvətnamə istədim. Onlar isə ön sıradakı biletlərin ən birinci satıldığını dedilər. Ümumiyyətlə konsertin biletləri bir həftə əvvəlcədən satılıb qurtarıb. Heç Zülfiyyəyə dəvətnamə göndərə bilmədim. O da gedib öz pulu ilə bilet alıb. Müğənnilərdən əməkdar artist Tünzalə Ağayeva, Elza Seyidcahan, İlqar Muradov konsertə gələcəklərini deyiblər”.