Hollivud Rejissorlar Gildiyası ilin ən yaxşı rejissor işinin adını açıqlayıb. Tanınmış aktyor və özünü rejissorluqda sınayan Ben Afflekin “Arqo əməliyyatı” filmi bu ada layiq görülüb.

Los-Ancelesdə "Hollivud Rejissorlar Gildiyası" mükafatının 65-ci təqdimetmə mərasimində əsas rəqiblər "Arqo əməliyyatı", "Gecə birin yarısı", "Səfillər", "Pinin həyatı" və "Linkoln" filmləri olub.

Qeyd edək ki, Hollivud Rejissorlar Gildiyasının ilin filmi seçimi, adətən, "Oskar" mükafatının böyük münsiflər heyətinin seçimi ilə üst-üstə düşür, bu isə Ben Afflekin filminin bu il ən yaxşı ekran əsəri seçilməsi şansını artırıb.