Baxıcı Almaz Azərbaycanın şou-biznes əhli ilə bağlı yeni proqnozlar verib. Baxıcı Lent.az-a bildirib ki, onun müştəriləri arasında şou-biznes nümayəndələri çoxdur. Sənətçilərin ondan müxtəlif istəkləri olur: “Burada ad çəkməyim düzgün deyil. Amma onu deyim ki, müğənnilər mənim yanıma daha çox toy tutmaq üçün gəlirlər”.

Baxıcı ilin sonuna kimi şou-biznes aləmində bəzi gərginliklərin olacağını söyləyib: “İlin sonuna yaxın xoş olmayan hadisələr baş verəcək. Müğənni Röya çox gərginlik keçirəcək. Aygün Kazımovanın avtomobil qəzası keçirəcəyini və qızı ilə bağlı yenə bir hadisə baş verəcəyini görürəm. Nadir Qafarzadə xəstəlik keçirəcək. Həmçinin, Almaz Ələsgərlinin də səhhətində problemlər olacaq. Bununla yanaşı, Almaz Ələsgərlinin böyük qızının qismətinin açılmasını da görürəm. Rəqsanə İsmayılova qızını xaricə oxutdurmağa göndərəcək. Məsləhətim budur ki, qızını ölkədən kənarda oxutdurmasın. İlhamə Quliyeva güclü bir cərrahiyyə əməliyyatı keçirib, yenə bıçaq altına düşəcəyini görürəm. Flora Kərimovanın da ağır əməliyyat keçirəcəyini ehtimal edirəm. Elza Seyidcahan heç vaxt ərə getməyəcək. Brilliant Dadaşovanın uzaq bir ölkədə söz-söhbətləri olacaq. Son da onu da deyim ki, şou-biznesdən beş kişi, üç qadın müğənninin öləcəyini görürəm”.